Dubach, Der Chäsereibueb

Wi het das albe es Bäägg gä vo dene Hofhüng vor em Ygang zur Chäshütte! Vil Bure i der Chriegszyt hei d Milch mit eme Stangechare, wo vom Bäri oder Prinz zoge worde isch, i d Chäserei brocht. Was füert äch dä Bärner Sennehund hie im Schild?

D Marie Dubach het e luschtige, interessante Gschichtechratte vo früecher u hüt parat. Si isch vor meh als 70 Johr im Oberaargau gebore u i re Burefamilie ufgwachse. Syt langem wohnt si z Utzistorf. Si isch e begnadeti Beobachtere, wo ds Läbe uf em Land läbig schilderet, eso, wie nes äbe isch, mängisch gfröit u mängisch truurig. Si het scho meh Büechli veröffentlicht.