Zuber, I bsinne mi

D Heidi Zuber vo Ostermundige isch e ussergwöhnlechi Frou. Zäme mit ihrem Maa, em Peter, won e Arztpraxis gfüehrt het, het si für vili Randständigi, Drogenabhängigi, Chranki u Stärbendi gluegt. Si het sech o immer wider für Flüchtlinge ygsetzt. Derby het si luschtegi, nachdänklichi u truuregi Erfahrige gmacht. Us all ihrne Erinnerige, syg’s vo ihrer Chindheit oder vo ihrer Zyt als Mueter u engagierti Frou, gspürt me aber e grossi Mönscheliebi un e Zueversicht, wo eim guet tuet. Erinnerige, wo töif gö, eim bewege u beschäftige!